شكران مرتجى تستغيث للسوريين بالأسد شخصياً !!

161

نشرت الفنانة السورية شكران مرتجى عبر حسابها الشخصي على موقع “فيسبوك” رسالة إلى الرئيس السوري بشار الأسد أشعلت مواقع التواصل الاجتماعي.

وكتبت مرتجى “سيدي الرئيس: الشعب تعبان مافي غاز مافي مازوت مافي بنزين مافي كهربا آجارات بيوت وصلت لمئات الألوف مافي حليب أطفال وصل حق العلبه 11الف سوري !!!!!!!”.

وتابعت “عملولنا بطاقة ذكية وبدك تكون عبقري لحتى تروح وتقدر تطالعها الطرقات بشوية مطر صارت تغرق وتغرق معها ناس معتره معاشها يادوب هي البيوت فيها أهالي شهداء وجرحى ومخطوفين فيها سوريين صبروا كتير كتير اتحملوا الحرب لأنه الحرب كانت قدر ونحنا مؤمنين وبهمة جيشنا اللي لساته واقف بالبرد وبنخجل أصلاً ندفى وهنه بردانين قدرنا نتغلب ع كل عدو خارجي بس العدو الداخلي ؟؟؟؟”.

وتعاني سوريا من أزمة حادة في المحروقات و حليب الأطفال هذه الأيام، في وقت أطلقت فيه الحكومة السورية مشروع “البطاقة الذكية” والذي يحصر عمليات توزيع المحروقات بالبطاقة بهدف “إيصال الدعم لمستحقيه، وعدم الاتجار بالمواد المدعومة حكومياً”.

وقالت مرتجى “تجار الحرب والأزمة اللي معه مصاري بيدبر حاله اللي عنده واسطه بيزبط اموره بس الأغلبية شو يعملوا تعبنا وعود وعهود عالتلفزيونات والإذاعات”.

وأضاف” معقول اللي ما مات من الحرب يموت من القهر والبرد والغلا وووووووت عبنا عتمة بدنا نطلع عالضو بيلبقلنا وبيلبق لبلدنا العظيم”.

وختمت الفنانة السورية رسالتها بالقول “باعتلك الك الرسالة لأنك الوحيد اللي رح تسمعنا وتوعدنا وتوفي بالوعد مابدنا نهاجر مابدنا نسافر بدنا نبقى ببلدنا نعمرها كلنا مع الوطن بس مابدنا الوطن يكون علينا”، ووقعت رسالتها بكلمة “مواطنة”، كما وضعت إشارة إلى حساب رئاسة الجمهورية الرسمي على موقع “فيسبوك”.

وشارك عدد كبير من الناشطين رسالة الفنانة السورية، حيث وصل عدد المشاركات من حسابها الرسمي إلى نحو 1200 مشاركة، في حين تناقل المئات الرسالة دون مشاركة.

سيدي الرئيس الشعب تعبان مافي غاز مافي مازوت مافي بنزين مافي كهربا آجارات بيوت وصلت لمئات الألوف مافي حليب أطفال وصل…

Posted by Shoukran Mortaja on Wednesday, January 9, 2019

قد يعجبك ايضا
تعليقات
يتم تحميل التعليقات ...

This website uses cookies to improve your experience. We'll assume you're ok with this, but you can opt-out if you wish. Accept Read More

عاجــــــل